જુઓ આગામી Redmi A3 ના રિયલ-લાઈફ ફોટા: મોટી ડિસ્પ્લે, સુધારેલ કેમેરા, શક્તિશાળી પરફોર્મન્સ અને લાંબા સમય સુધી ચાલતી બેટરી સાથે આવશે આ એક સસ્તું સ્માર્ટફોન પેકેજ!
Redmi ટૂંક સમયમાં તેના બજેટ-ફ્રેંડલી Redmi A3 સ્માર્ટફોન ને લોન્ચ કરવાની તૈયારી કરી રહ્યું છે, અને તાજેતરમાં જ આપણને તે ફોનના લીક થયેલા ઓફિશ્યિલ પોસ્ટર્સ જોવા મળ્યા હતા જે ડિઝાઇન અને ફીચર્સને બહાર પાડતા હતા. હવે આ નવા લીકમાં ફોનની લાઈવ છબીઓ બહાર આવી છે, જે તેની ઓરિજિનલ ડિઝાઇન અને ફીચર્સ પર પ્રકાશ પાડે છે. તો ચાલો તેને તપાસીએ.
Redmi A3 ની ડિઝાઇન અને ફીચર્સ
જેમ તમે જોઈ શકો છો કે લીક થયેલી ઇમેજમાં રિટેલ બોક્સનો આગળનો ભાગ જોવા મળે છે જેના પર લખેલું છે કે રેડમી A3 મોટી 6.71″ ડિસ્પ્લે ધરાવે છે જે ગયા વર્ષના Redmi A2 ની 6.52” સ્ક્રીન કરતાં મોટી છે. બીજી તસવીર ફોનનો પાછળનો ભાગ દર્શાવે છે જેમાં કેમેરા મોડ્યુલની ડિઝાઇન પણ સંપૂર્ણપણે બદલાઈ ગયેલી જોવા મળે છે અને તે Realme 11 Pro સ્માર્ટફોનમાં જોવા મળતા મોડ્યુલ જેવું લાગે છે.
એકંદરે ડિઝાઇન એ અત્યારના સ્માર્ટફોન માર્કેટના ચાલ્યા આવતા ટ્રેન્ડને અનુસરે છે જેમાં પાછળની તરફ એક મોટું ગોળાકાર કેમેરા મોડ્યુલ હોય છે. ચાલો હવે આપણે ફોનના લીક થયેલા સ્પેસિફિકેશન પર એક નજર કરીએ.
Redmi A3 ના લીક થયેલા ફીચર્સ
પહેલાંની લીક પ્રમાણે, રેડમી A3 ફોનમાં 90Hz રિફ્રેશ રેટ સાથેની HD+ LCD પેનલ હશે જે 400 nits ની ઉચ્ચ બ્રાઇટનેસ હશે. કેમેરા વિભાગમાં, વપરાશકર્તાઓને સ્પષ્ટ ફોટા અને વિડિઓ કેપ્ચર કરવા માટે આગળની તરફ 8MP સેલ્ફી કેમેરા સાથે પાછળની તરફ 13MP પ્રાથમિક કેમેરા આવે તેવી અપેક્ષા છે.
પર્ફોર્મન્સ માટે Redmi A3 સ્માર્ટફોન મીડિયાટેક પ્રોસેસરથી સજ્જ હશે, જેની સાથે 4GB LPDDR4X રેમ અને 128GB સુધીની eMMC 5.1 સ્ટોરેજ હશે. વધુમાં, તે 4GB સુધી વર્ચ્યુઅલ રેમના ફિચરને સપોર્ટ કરશે અને સ્ટોરેજને વધારવા માટે માઇક્રોએસડી કાર્ડ સ્લોટ પણ ઓફર કરશે. એકંદરે તમારી બધી એપ્લિકેશનો અને ફાઇલો માટે સ્મૂથ મલ્ટિટાસ્કિંગ અને પૂરતી સ્ટોરેજ સાથે આ ફોન આવશે.
ફોનને પાવર આપવા માટે 10W ચાર્જિંગના સપોર્ટ વાળી એક 5000mAh બેટરી જોવા મળશે, જે વારંવાર રિચાર્જ કર્યા વિના લાંબા સમય સુધી ચાલશે. કનેક્ટિવિટી વિકલ્પોમાં ડ્યુઅલ-સિમ સપોર્ટ, 4G કનેક્ટિવિટી, વાઇફાઇ 2.4GHz, બ્લૂટૂથ 5.0 અને વિવિધ સેટેલાઇટ નેવિગેશન સિસ્ટમ્સનો સમાવેશ થશે. વધુમાં, Redmi A3 ખુબ જ ઉપયોગી એવા 3.5mm ઓડિયો જેક તેમજ ચાર્જિંગ માટે અનુકૂળ એવા USB Type-C પોર્ટ સાથે પણ આવશે.
તે સિવાય જો હજુ પણ તમારી પાસે કોઈ પ્રશ્નો અથવા અભિપ્રાય હોય તો નીચે કોમેન્ટ કરો. નવા સ્માર્ટફોન/ટેબ્લેટ લોન્ચ, લીક્સ અને ફર્સ્ટ લૂક વિશે વધુ અપડેટ્સ મેળવવા માટે અમારા Telegram Group અથવા WhatsApp Groupમાં પણ જોડાઓ તેમજ તમે અમને Google News પર પણ ફોલો કરી શકો છો. મુલાકાત લેવા બદલ આભાર, ટૂંક સમયમાં ફરી મળીશું.
વેબ સ્ટોરીઝ
